أكثر مسلسل كوري تاريخي يحبس الانفاس

Do you regard power only as a means of coveting money?

مسلسل من جوج أجزاء و فيلم و الثالث جاي فالطريق .. ديال نتفلكس بالتالي قصير فيه 6 الحلقات فكل جزء و مشارجي بزاف بطريقة ماغاتخليكش تمل نهائيا أو تخلي قلبك يهدا بسبب الادرينالين

There’s always a way to stop it, no matter how severe the disease is. And this one is no different. I am sure I can find a way to put a stop to this disease. 

فالقرن 16 حيت تما تاريخيا بدا الغزو الياباني لكوريا .. على أي فديك الفترة و مورا 3 سنين من هزيمة اليابانيين الكثار من طرف 500 محارب كوري .. ولي العهد لهو الابن الاكبر للملك و الغير شرعي يتهم من طرف كبير المستشارين لهو رأس أقوى عشيرة فالمملكة و لبطبيعة الحال تتحكم فالعرش من طرف الملكة لهي بنته .. هاد الامير يتهم بالخيانة و يضطر يهرب .. و لكن قبل مايهرب تيقرر يشوف باه لممنوع عليه و على أي حد يشوفه بدعوى أنه مريض .. هاد الزيارة الخاطفة لقصر باه تتخليه يتلاقى مع كائن معمره شافه و معارفوش من غير أنه وحش يجوب قصر والده و بالتالي الاشاعات على أن جثت ترمى كل يوم من قصر الملك حقيقية .. فتيقرر يسافر يقلب على الطبيب الملكي لكان آخر واحد شاف الملك باش يعطيه أجوبة

You know, these days, people worship food like a God.

هاد الرحلة بحثا عن الطبيب غادي تخلي ولي العهد يشوف مدى بؤس الرعية تحت حكم كبير المستشارين و أعوانه .. و غادي يتلاقى مع وباء تيجوب المنطقة الجنوبية كاملة تيحول الناس لزومبي .. فغاتحول الرحلة من البحث عن الطبيب للبحث عن علاج و دواء و طريقة للحد من انتشار الوباء و معرفة أصله .. الشيء لغادي يجبد أسرار قديمة و يشكك في انجازات بطولية للمملكة و جنودها و آخر معاركها لربحاتهم

You speak almost no words, but your heart screams. And somehow I hear it. 

المسلسل متتملش فيه نهائيا .. طبعا يلا كنت تتميل لهاد النوع د الاعمال .. فلخر تاع كل حلقة كاينة بلوت تويست .. التصوير واعر .. الاخراج واعر .. الكتابة واعرة .. التجسيد واعر .. الموسيقى واعرة .. كلشي تيخليك تدخل فالجو ديال المسلسل .. أنا بعض اللقطات تنسد عيني و تنقول للخطاب يوصف لي شنو واقع حيت تنحس قلبي غايخرج

If the throne cannot be mine ! Well then. No one can have it. 

السلطة و الهوس ديالها و السعي وراء الجاه و العرش و التحكم بالعباد .. التراتبية تاع الحكم و لتتخلي الحاشية تتميل ديما لأصغر أمير باش تحكم فيه كما بغات و ترمي الأكبر فدوامة من المؤامرات و التخويين .. الجوع و البؤس ديال الرعية في حين ازدهار طبقة النبلاء كفاش تيكون هو السبب الرئيسي في تطويع الشعوب أو قلبها على الحاكم أو انتشار مرض سواء كان عضوي أو اجتماعي أو نفسي .. كفاش الانانية تاع الشخص ممكن ترمي الدولة كاملة فالهاوية و تقضي عليها

All my grief says the same thing: This isn’t how it’s supposed to be.  And the world laughs, holds my hope by the throat, says: But this is how it is. 

تاحد منا ماتيختار والديه أو مستواه الاجتماعي .. و لكن شنو تيدير بهادشي لتزاد به و لقاه واجد هو لتيحكم و لتيشكل فرق .. ممكن تكون أمير و ملك مستقبلي و تكون متواضع و صارم مع كل أنواع الظلم و ممكن تكون ولد كاتب فالديوان الملكي و تتعامل مع الناس بحال يلا عندك تصريح من السماء تعامل معهم كما بغيتي .. و كفاش ممكن يكون العكس .. تكون الرحلة لمريتي منها تخليك تشوف العالم على حقيقته و تتحول لبقعة الضوء الوحيدة فعائلتك الفاسدة

A king must serve his people like they are the Gods.

في انتظار الجزء الثالث .. مشاهدة ممتعة