المسلسل لرسميا حل الباب لكاع الروينة لغاتوقع فهاد المرحلة الرابعة ديال مارفل و لخربق الخط الزمني و خلق العوالم المتوازية و الفوضى ليحسن عوان دكتور سترينج معها

The Time-Keepers Have Built Quite The Circus And I See The Clowns Are Playing Their Parts To Perfection.

لوكي فالاند جيم شفناه هز حجر الفضاء و غبر .. هاد الفعلة هي لغاتخرج عليه و تخليه متابع من طرف منظمة غريبة تتسمي راسها تي في اي و لمهمتها هي تحمي الخط الزمني المقدس و تمنع أي تفرعات ممكن تخلق عالم موازي و بالتالي الفوضى

You Can Trust One Thing. I Love To Be Right.

هاد المنظمة و منذ سنين تتعاني من واحد المتغير لماقاداش تشده .. كل نسخة من شخص من شي عالم أو خط زمني آخر تتسمى متغير .. و المتغير لتابعينه هو لوكي آخر .. و شنو أحسن من لوكي باش تشد به لوكي .. و لكن هاد لقاء اللوكيات لن يمر مرور الكرام

Love Is A Dagger. It’s A Weapon To Be Wielded Far Away Or Up Close. You Can See Yourself In It. It’s Beautiful. Until It Makes You Bleed.

المسلسل ممتع و قصير و أخيرا تعطات لشخصية لوكي حقها .. كانوا الحلقات عبارة عن سبر أغوار نفسية لوكي ماشي غي توم هيدلستون و إنما كاع لوكيات فكاع العوالم و الخطوط الزمنية .. علاش هوما هكا .. علاش الخديعة فيهم .. علاش مناحرين مع ثور و اشنو غايوقع يلا دارو هدنة أو قتلوا بعضياتهم .. و أشنو غايوقع يلا ولا العالم بلا لوكي .. واش عالم بدون خديعة و مكر غايكون زعما أحسن و لا ممل و باهت؟

If You Think Too Hard About Where Any Of Us Came From, Who We Truly Are, It Sounds Kinda Ridiculous. Existence Is Chaos. Nothing Makes Any Sense, So We Try To Make Some Sense Of It. 

واش عندنا الحق نمحيوا و نعزلوا و نسجنوا الآخر فقط حيت مختلف و أنه ربما من هنا لعام ولا عامين و لا قرن غادي يسبب مشكل .. واش حرية الإرادة لعنة و لا هاجس و حق و لا شيء يجب ترويضه ؟ .. واش من حق الناس يعرفوا الحقيقة و يتعطاهم حق الاختيار و لا كلما كان عقلهم مغسول كلما كان أحسن؟ .. واش الديكتاتورية في جميع الاحوال سيئة و لا تتحمينا من واقع أسوء بملايين المرات؟

The First & Most Oppressive Lie Ever Uttered Was The Song Of Freedom.

تفرجوا فيه و استمتعوا به و حلوا عقلكم مزيان .. بست .. راه واندا و لوكي كاينين فنفس الوقت داكشي لاش يلا رديتو البال مزيان غاتكتشفوا أن الحلقة الاخيرة ديال واندا تتناسب مع الاخيرة ديال لوكي .. كفاش؟ اكتشفوه لريوسكم مهم عطيتكم مساعدة مني