لوحلات ليه شي ساعتين د الماكنة معرف باش يدوزها يتفرج

Some People Have This Extraordinary Attachment To Their Siblings, As If Genetics Make A Family

الفيلم تيهضر على قاتلة فاليابان بقات لها مهمة وحدة و تتقاعد .. و لكن و هي خدامة عليها تيتم تسميمها بإشعاعات خطيرة و بالتالي تتبقى لها 24 ساعة فالحياة .. فهاد المدة المحدودة خاصها تكتشف شكون سممها و علاش و فنفس الوقت تكمل المهمة ديالها

Death Is The Time For The Beginnings

الفيلم من داك النوع لتيدوز كله على شساعته فليلة وحدة أو بضع سويعات منها .. داكشي لاش تتحسه مدكس .. واخا شخصيا كنت تنلقى راسي مرة مرة تنلعب فالتلفون و تنتسنى شي لقطات يدوزو حيت لم تسترعي اهتمامي

Elder doesn’t necessarily mean old. It just means older. As in smarter, wiser

فهاد الساعتين تنشوفوا الوجه الاخر ديال كيت الانسانة لباغة تكفر على أخطاءها من خلال علاقتها ب آني .. و كفاش أنه ممكن بكل بساطة تستغل و تتغذا على حاجيات الطفل لعنده علاقة أسرية منكسرة أو سيئة و تشكله كما بغيتي و يبقى وفي لك حياته كلها ..

الياكوزا تنلقى راسي ديما تيعجبني نتفرج أو نقرا شي حاجة عليهم و النظام العشائري لتترتكز عليه و فكرة زعيم أو سيد للعائلة تيكون مرجع و كفاش أنه و بحال ليزانيم تيكون داك الشخص الشارف لواخا تكون غادي باش تقتله تتلقاه ممسوقش لك و تيعطيك فالعبر و الوعظ قبل أن يشهر سلاحه في وجهك

على العموم الفيلم ممتع تاع تدواز الوقت و الاكشن لفيه زوين و بزاف تيقولو انه النسخة الانثوية ديال جون ويك فجو ديال اليابان .. و لكن ماشي شي حاجة كبيرة للناس لباغين “يستفدوا” و يقلبوا على العبر