كفاش قدرات وحدة تكون أول امرأة مليونيرة عصامية سوداء من خلال الاستثمار فالعلاقة المشؤومة لكاينة بين المرأة و الشعر المجعد و الجاف

Hair is beauty. Hair is emotion. Hair is our heritage. Hair tells us who we are, where we’ve been and where we are going.

المسلسل مستلهم من كتاب تيحكي قصة سارة سي جي ووكر .. فربعة د الحلقات تيوصل لك بزاف ديال الرسائل و تيوصف لك الوضع العام فبداية القرن العشرين فأمريكا بالنسبة للسود و لكن بطريقة مغايرة على كاع دوك الافلام و المسلسلات الكئيبة و التراجيدية .. بجو عامر بهجة و موسيقى و استعراض و من خلال التركيز على الوضع الاقتصادي و مجال ريادة الأعمال

Always make your own money.

واحد السؤال ديما تيراودني و ديما تيتطرح فبحال هاد النوع د الاعمال و فالواقع و غايبقى ديما يتطرح يمكن إلى أن يرث الله الأرض و من عليها .. علاش فاش تيكون الزوج ناجح فالمجال دياله تتقدر الزوجة بكل بساطة تتعايش مع الأمر و ممكن جدا تقرر تضحي و تعيش في ظله .. و لكن العكس ديما تيكون محفوف بالكثير و الكثير من علامات الاستفهام و المشاكل و الترقب للانفصال .. سواء كانت المرأة ناجحة فمجالها أو كان الطرفين ناجحين بجوج بهم فنفس المجال .. غالبا الشريك تيقلب ديما على أي زلة أو غلطة تديرها الزوجة باش ينفصل عليها و يحملها مسؤولية فشل الارتباط أو كأبسط شيء يقولها أنها تتهمل واجباتها كزوجة بحال يلا هو ماغايهملش واجباته كزوج فاش يكون مشغول فالارتقاء بالمستوى دياله المادي لفنهاية المطاف غادي ينعكس على الأسرة ككل .. و هادشي تذكر في غير ما موقع فالمسلسل أن نجاح المرأة خاصه ديما يجي فالمرتبة الثانية مورا مايشبعوا الرجال نجاحات و يملوا منها و إلا غادي تتعرض للهجران و الخيانة كأبسط انتقام

Dreams are Gods way of showing us his plans.

بعض المرات تتنعم عليك الحياة بواحد الفسحة ديال الحرية بسبب عائلتك و لا أصولك و لا لونك و لا عرقك .. متيخصكش تاخد هادشي على أنه شيك على بياض تيخول لك تدير لبغيتي و توصل فينما بغيتي .. لأنه يلا خلاك ترتاح و تتقاعس راه كاين شخص آخر منافس لك ماعطات له الدنيا والو و بالعكس كل نهار تتسقيه العلقم و بالتالي عنده حافز أقوى منك بكثير يخليه يسهر الليالي باش يوصل للهدف دياله و يفوتك .. ديك الساع ماتلوموش و ماتحاولش تبرر لراسك بل لوم راسك على استسهالك للأمور و اعتمادك على حاجة لا ناقة لك فيها و لا بعير .. الحياة ماشي مجانية

Sometimes silence is the only protection a colored woman can count on.  But now that I’ve finally learned to tell my story, I can’t be silent no more.

فالنهاية ماشي كلشي مخول له يكون ناجح فالمجال دياله فقط حيت دوز مدة خدام عند شخص ناجح .. كاينين بزاف دالحوايج تيخلقوا النجاح و الأكيد أن الصبر و تمارا أهمها .. تاحاجة ماتتجي بالساهل و الرباح لتيجي بالزربة تيمشي بالزربة

When God, dreams he dreams big and I decided to follow his example.

المسلسل ملهم بشكل زوين و مبهج و الأهم أنه خفيف ظريف تقدر تساليه فجلسة وحدة .. و الواعرة كاع أنه قصة حقيقية .. فشنو هو عذرك باش ماتكونش تانتا شخص عصامي تيصنع راسه براسه؟

Hair can be freedom or bondage.