واحد من الأعمال لتتراهن عليها نتفلكس و لربحات فيها الرهان

The problem with wanting, is that it makes us weak.

مقتبس من ثلاثية أول كتاب فيها معنون بنفس عنوان المسلسل و خرج ف 2012 .. تيهضر على رافكا الدولة العظيمة لمقسمة على جوج بواحد الستار مظلم عايشين فيه مخلوقات غير معروف أصلها .. هاد الدولة لعلى صراع مع فييردا و شعبها لتيصطاد عرق الكريشا لتيعتبره سحرة و مهرطقين .. هاد القوم د الكريشا عندهم قدرات خارقة تتخلي كل واحد فيهم يتحكم فعنصر معين، الرياح النار الشفاء القلوب و لكن أقوى واحد هو الجنرال لتيتحكم بالظلال و لتيضاهيه هو كريشا أسطوري معمر بان تيتحكم بالنور و بالتالي تيقد يدمر الحاجز ديال الظلام لكاين فالدولة و لحسن أو سوء الحظ راسمة خرائط يتيمة فالجيش عندها هاد القدرة

There’s nothing wrong with being a lizard either. Unless you were born to be a hawk.

المسلسل فثمنية الحلقات تيهضر على رحلة إلينا و محاولتها للتأقلم مع واقعها الجديد و كاع المعلومات و الأسرار الجديدة و الآمال لمعقودة عليها و الناس لباغين يقتلوها حيت ماشي من مصلحتهم الستار يتحيد و أشياء أخرى كثيرة

When I was young I was afraid of the dark. When I got older I learned that darkness was a place and it’s full of monsters.

المسلسل بشكل غريب خفيف ظريف تتحسه فيلم .. مافيهش داك الطابع الثقيل ديال مسلسلات الفانتازيا مع أنه مظلم و لكن غريب مفهمتش صراحة كفاش وقع و لا كفاش قدروا يحولوه لعمل بسيط و ممتع على رغم تعقيد عالمه و شساعته .. و ككل الأعمال لجزء من عمل ضخم الجزء الاول عبارة عن افتتاحية و بالتالي انتهى نهاية مفتوحة في انتظار الجزء الثاني

I’ve never been welcomed here because I look like my mother and she looked like the enemy.

الحمولة الثقافية لعند الكاتبة كيهودية من السفرديم و الاشكيناز بجوج .. أب مغربي و أم روسية و مزيودة فالقدس .. هاد التركيبة كاملة تنلمسوها فالقصة و العالم لخلقات .. رافكا لتتشبه للامبراطورية الروسية و اللبس د الكريشا لتيشبه للبس التقليدي ديال روسيا أو أوروبا الشرقية عموما .. السميات لنطقها تيتراوح ما بين ما هو روسي و ما بين ما هو آسيوي و شرقي عموما .. الكاتبة وظفات تاريخها و ثقافتها المخلطة فهاد العمل و خرجات بعالم تحفة و متناسق و زوين

Either you take your time or you take your chances.

دبا المغزى لتتضور عليه القصة كاملة هو الأقليات .. طبيعي شخص يهودي يهضر على الاقليات و لكن عاوتاني هاد الموضوع ديما تيفرض راسه و بشكل حاد كلما زدنا عشنا فهاد الأرض بإرثنا الاستعماري المريض .. واحد الوقيتة لقيت راسي تنقارن العمل مع هجوم العمالقة لأن الجنرال بالنسبة لي نسخة قاتمة من إيرين أو نقوله للناس لقراو المانغا إيرين لو ماكانوش الشابيترات الأخيرة .. و بالتالي القصة تتطرح سؤال جدي بزاف كاع .. أنا كأقلية تمارس علي مختلف أنواع الاضطهاد و التعذيب فقط لأني مختلف و تحرمت من حق العيش بسلام و تطاردت و تقتلت بدماء باردة .. واش مامنحقيش ننتقم؟ نفرغ غضبي و حقدي على الشعب لحاكمني و طاردني و قتلني؟ ممنحقيش نولي قوي و نذوقهم من نفس الكاس؟ علاش خاصني نتعايش مع من يريد بي أذية؟ يلا كان الآخر تيشيطني فعلاش منكونش فعلا الشيطان لخايف منه و أقض مضجعه؟

You want to know why you haven’t found someone with this power? Maybe it is because they don’t want to be found.

بحال تماما إيرين و أرمين .. واحد باغي يخلع العالم بما أنه أصلا مخلوع فعلاش منستخدمش قوتي لصالحي .. في حين واحد باغي ينحني للعالم و يعطيه عنقه باش يعتبره مسالم و يتسمى راه أنا ماخايبش و يكلس يبرر أفعاله و ماضيه و قواه و كلشي مع العلم أن الآخر ممكن في أي لحظة ينقلب عليك .. هادشي لاش أنا فان لإيرين و للجنرال .. الواحد يلا مابغاش يحترمك خليه يخاف منك

Cardinal north is a direction on a map. True north? True north is home. It is where you feel safe and love. You have always been my true north, Mal.

الأعمال لمتتخليكش تفكر و تخمم و تناقش متتستحقش الوقت لضيعتيه عليها .. فرجة ممتعة