الجحيم هو الآخر

you are the best masterpiece I ever created.

المسلسل لمن 10 الحلقات فقط و لخرج لعام لفات و المقتبس من ويبتون من نفس الإسم .. تيهضر على شاب قرر يبدل المدينة دياله باش يقلب على خدمة و بسبب ظروفه المادية غايقلب على أرخص مكان للسكن و هاد البحث غايوصله لمسكن عدن و هو عبارة عن عمارة فيها غرف استوديو ساكنين فيها مجموعة من الناس غريبة الأطوار .. هاد الجيران الجداد غايخليو البطل ديالنا يسول راسه كل نهار واش هو طبيعي و لا مختلف؟ ويلا كان مختلف فهو مختلف عن جيرانه أو مختلف عن الناس العاديين لضايرين به؟ و بالتالي واش شخصيته الحقيقية هي هاديك لموالفها فيه أو هادي لمابقاش عارفها و لخرجات بسبب الجو لولا عايش فيه

Honey, now you and I will be together forever.

المسلسل تيخليك تسول راسك تانتا نفس السؤال .. واش أنا ضريف بصح ولا غي تنخبي شخصيتي الحقيقية المتوحشة و القريبة من الغريزة لكلها مزروعة فينا؟ .. واش الغضب ديالي و كاع المشاعر السلبية لتنكنها تجاه شخص أو أشخاص يلا كتمتو واش تيجعل مني شخص منافق أو إنسان طبيعي تيعرف يتحكم فراسه .. واش الشجاعة هي اننا نتغلبو على الجانب المظلم فينا أو نطلقو ليه العنان؟

You think you don’t fit this place, right? You think you’re different. But you’re scared at the same time. You’re worried that you’ll become like one of them.

فنهاية المسلسل تتلقى نفس الفكرة لديما تيناقشوها هاد الكوريين فأعمالهم بطرق سرد مختلفة .. مهما كنت سوي أو تتظن نفسك سوي فراه الآخر و علاقتك به كفيلة أنها تبدل لك شخصيتك كلها و ترجعك شخص مريض بل و يستلذ بمرضه حيت ببساطة الآخر هو الجحيم ديالنا فهاد الدنيا

i’m creating art. it’s not just murder

ماسخيتش يسالي المسلسل نهائيا و جاني قصير و رغم جوه المظلم و الكئيب و المخيف و لكن تيشد بواحد الطريقة عجيبة خصوصا التجسيد ديال لي دونغ ووك حمقني فهاد المسلسل و تيخليك تسول راسك فعلا واش داك طبيب السنان لتنخلي له راسي و تنحل له فمي و يضل هاز علي ليباري و مشارط و يبتسم لي فالدخلة و الخرجة واش ضريف أو قاتل متسلسل تيعتبر القتل فن .. المهم هاد النوع د الأ‘عمال غايخليك تشك فراسك ماشي غي فالناس .. فرجة ممتعة

It’s better to say what you want, and act how you’d like, rather than bottling it all up within yourself. That’s more human, don’t you think?