معمرك تخلي فوزك يعميك على شنو جاي من بعد

ولاو تيعجبوني افلام الرياضة الهندية 😂 مورا دانغال، هذا و بعده ماري كوم

الفيلم بطولة سلمان خان و انوشكا .. سلطان شاب خاوي تيتلاقى صدفة بأرفا المصارعة و لباها عنده نادي تاع المصارعة التقليدية و باش يثير اعجابها و يخليها تزوج به تينخرط و تيمشي يتعلم لها تاهو باش يولي ند لها .. و مورا ماتيتزوجوا تيغرقوا فالانتصارات و تيتختاروا بجوج يشاركوا فالالعاب الاولمبية الشيء لكانت تتحلم به من صغرها و لكن حملها تيمنعها و تضطر تتنازل على ود سعادة زواجهم و تيشارك هو و تيعميه النصر على لجاي ! و بعد 8 سنين تيجي رجل اعمال باغي يدخل فكرة الملاكمة و داكشي ديال wwe للهند و تيقرر يرجعه للحلبة و يعلمه اساسيات اللعب باش هو يربح تجارته و سلطان يربح نفسه و عائلته المشتتة

الفيلم تيركز على فكرة محاربة المجتمع و أفكاره البايتة و على أن التنازلات لتتديرهم المرأة من أجل سعادة زواجها ممكن تعصف به و بك يلا ماكنتيش على قد المسؤولية و الامتنان و أن الشخص الوحيد لتيعرف بقدر الفوز و الانتصار هو لتيخسر و ذاق الهزيمة و انه كاين خيط رقيق بين الافتخار و الغطرسة و بين الثقة و الغرور