شنو تيطرا فاش تيوليوا صحاب المال تيتحكموا فصحاب القرار ؟

I am a very dangerous man to know.

هاد المسلسل خرج ف 2017 ، تقييمه 8,5 .. بطولة توم هاردي .. تيهضر على جيمس الإبن الأكبر لواحد من تجار لندن القرن 19 لكانت أمه هندية شراها باه مع الجزيرة لكانت عايشة فيها ( نوتكا ساوند ) .. هاد جيمس اختفى لمدة 12 عام فأفريقيا و رجع فجنازة باه و ورث هاد الأرض وورث معها المشاكل .. تيتصادف أن ديك الجزيرة موقع صراع ما بين بريطانيا و أمريكا .. إلا أن الصراع هنا ماشي غي بين دولتين و إنما كاين طرف ثالث لهو شركة الهند الشرقية لبغات ديك الأرض حيت بالنسبة لها بوابة للصين و بالتالي تجارة الشاي .. و طرف رابع هو جيمس للمسلسل كله و هو تيلعبهم كي بغا

The demand for flags is always high in times of war.

المسلسل فيه 8 الحلقات، و الجزء الثاني باقي ماخرج .. كل حلقة فيها ساعة .. و مشكلته الوحيدة هو أن إيقاعه بطيء و ثقيل .. حلقة تنكملها فيومين حيت متنلقاش ليشدني نكملها و تتسخسخني يلاه ماتتسالي و هو ليس للمشاهدة العائلية ⁦

People who do not know me soon come to understand that I do not have any sense.

المسلسل عاود شته لسبب واحد هو توم هاردي و كانت شخصيته متقونة و تتخلع 😂😂 كاريزما عالية عند داك خينا .. و تيسالي و تيخلي لك أكبر سؤال .. شنو طرا فإفريقيا ؟

What kind of rational man believes in justice?

الشركة لتيهضر عليها المسلسل تأسسات فالقرن 17 و كانت من أكبر الشركات فديك الفترة و مكانش تتكتفي بالاحتكار تاع تجارة بعض المواد و لضمنها لها التاج البريطاني، و إنما ولات تتدخل حتى فالسياسة و الحروب و تتحكم فالمستعمرات البريطانية فالهند و آسيا .. فاش تتولي الشركة تتنافس فثروتها الدولة .. توقع أنها هي لغاتسير البلاد كي بغات ⁦⁩

Nothing in this war between cousins is simple.

حاجة وحدة تتمرضني فالمسلسلات و الافلام لتتهضر على ديك الفترة الزمنية .. الوسخ و التراب و الظلام و الغيس 😂😂😂 حلقات تيعيفوا !